14.-20. ágúst næstkomandi verður Róttæki sumarháskólinn haldinn í húsnæði Reykjavíkurakademíunnar. Allar upplýsingar má nálgast hér.

Vert er að vekja sérstaklega athygli á þremur málsstofum sem tengjast málefnum SHA:

• Afganistan: Gjald hefndarinnar. Biósýning og umræður um vestræna íhlutunarstefnu (Sólveig Anna Jónsdóttir stýrir)
• Banning the bomb: A new campaign to abolish nuclear weapons (á ensku, Ray Acheson stýrir)
• Understanding the Unthinkable: The Science and History of Nuclear Weapons (á ensku, Tom Ellington stýrir)

Árið 1985 stóðu Samtök herstöðvaandstæðinga að fyrstu kertafleytingunni á Reykjavíkurtjörn til að minnast fórnarlamba kjarnorkuárásanna á Hiroshima og Nagasaki árið 1945, sem og til að leggja áherslu á kröfuna um kjarnorkuvopnalausan heim. Aðgerð þessi hefur upp frá því verið fastur liður í byrjun ágúst, en Samstarfshópur friðarhreyfinga hefur veg og vanda að fleytingunni.

Ákveðið hefur verið að halda kertafleytinguna í ár þann 9. ágúst, á Nagasaki-daginn. Það er föstudagur en sá vikudagur hefur sárasjaldan orðið fyrir valinu.

Í gegnum tíðina hafa kertafleytingar farið fram á fleiri stöðum á landinu. Löng hefð er fyrir þessari aðgerð á Akureyri, en annars staðar hafa fleytingarnar verið stopulli. Ef íbúar annarra bæja hafa áhuga á skipuleggja kertafleytingu eru Samstarfshópur friðarhreyfinga og Samtök hernaðarandstæðinga boðin og búin að hjálpa við undirbúning og skipulagningu. Áhugasamir sendir tölvupóst á sha@fridur.is eða hringi í Stefán Pálsson formann SHA í s. 663-6875.

Fréttir hafa borist af stórfelldum mótmælum í Tyrklandi og vangaveltur verið um hvort stjórnarskipta sé að vænta í þessu fjölmenna Nató-ríki. Atburðirnir í Tyrklandi eiga sér ýmsar ástæður og tengjast meðal annars borgarastríðinu í Sýrlandi sem staðið hefur í á annað ár.

Samtök hernaðarandstæðinga hafa á liðnum misserum efnt til fræðslufunda um átakasvæði í heiminum. Miðvikudagskvöldið 12. júní mun Sverrir Jakobsson sagnfræðingur og fv. formaður SHA fjalla um sögulegan bakgrunn atburðanna í Tyrklandi og velta vöngum yfir því hvað gerast kunni. Almennar umræður.

Fundurinn verður haldinn í Friðarhúsi og hefst kl. 20. Allir velkomnir.

Rétt er að taka fram að það verður ekki fjáröflunarmálsverður í Friðarhúsi föstudaginn 30. maí. Þráðurinn verður tekinn upp að nýju í haust.