Kertafleyting á Reykjavíkurtjörn ÁG/HS

Hin árlega kertafleyting til minningar fórnarlamba kjarnorkusprengjanna í Hiroshima og Nagasaki í ágúst 1945 verður haldin við Tjörnina í Reykjavík fimmtudaginn 9. ágúst kl. 22.30.  Kerti verða seld á staðnum og kosta kr. 500 stykkið eða 3 á kr. 1.200.

Nánari upplýsingar um dagskrá verða birtar síðar.

Frá árinu 1985 hafa íslenskir friðarsinnar fleytt kertum í minningu fórnarlamba kjarnorkuárásanna á Hírósíma og Nagasakí 6. og 9.ágúst 1945 og til að leggja áherslu á kröfu sína um friðsaman heim án kjarnorkuvopna. Um er að ræða hefð sem upprunin er í Japan, en kertafleytingar af þessu tagi fara fram víða um lönd í ágúst ár hvert.

* * *

Á Akureyri verður kertafleyting til að minnast sprenginganna á Hiroshima og Nagasaki verður við Minjasafnsstjörnina fimmtudaginn 9. ágúst kl 22.00. Ræðumaður er Þórarinn Hjartarsson formaður Samtaka hernaðarandstæðinga á Norðurlandi. Í ár beinist athyglin að Sýrlandi og Mið-Austurlöndum.

Sýrland er fyrirferðarmikið í heimsfréttunum. Hörð átök geysa í landinu og friðarhorfur ekki góðar.

Hver er sögulegur aðdragandi átakanna? Hvaða fylkingar takast á? Við hverju má búast?

Samtök hernaðarandstæðinga efna til opins félagsfundar um stöðuna í Sýrlandi mánudagskvöldið 18. júní kl. 20:30 í Friðarhúsi, Njálsgötu 89.

Silja Bára Ómarsdóttir stjórnmálafræðingur og Sverrir Jakobsson sagnfræðingur fylgja umræðum úr hlaði.

Allir velkomnir.

Síðasti fjáröflunarmálsverður Friðarhúss fyrir sumarfrí verður haldinn föstudagskvöldið 25. maí. Guðrún Bóasdóttir (Systa) eldar.

Matseðill:

* Nautakjöt í hnetusósu borið fram með hrísgrjónum og tælensku rauðkálssalati

* Saltfisksalat

* Rabarbaraþeytingur (rabarbari bakaður í ofni með vanillu og borinn fram með rjóma)

Vilborg Dagbjartsdóttir sér um menningardagskrá.

Borðhald hefst kl. 19. Verð kr 1500. Allir velkomnir.