Opinn félagsfundur MFÍK verður föstudaginn 17. maí kl. 19 í Friðarhúsi

Þórarinn Hjartarson flytur erindið: VESTRÆN HERNAÐARSTEFNA OG VIÐ

Fjallað verður um tafl heimsveldanna nú um stundir, ekki síst í Sýrlandi og Miðausturlöndum, um stuðning Íslands við nefnda hernaðarstefnu og um viðbrögð og viðbragðaskort íslenskra friðarsinna við henni.

Léttur kvöldverður seldur á kr. 1.500 í upphafi fundar. Húsið opnar kl. 18.30. Takið endilega með ykkur gesti. Allir velkomnir.

Stjórn MFÍK

Morgunkaffi SHA á 1. maí er víðfræg samkoma og í hugum margra ómissandi hluti af baráttudegi verkalýðsins. Húsið opnar kl. 11, en ganga verkalýðsfélaganna fer af stað kl. 13:30.

Allir velkomnir í 1. maí-kaffið í Friðarhúsi, Njálsgötu 87.

Föstudagskvöldið 26. apríl n.k., kvöldið fyrir kosningar, verður fjáröflunarmálsverður Friðarhúss. Systa eldar.

Matseðill:

* Kreólahrísgrjón – jambalaya
* Saltfisksalat
* Pannacotta með ávöxtum

Verð kr 1500. Borðhald hefst kl. 19:00.

Heimildarmyndin Taxi to the Dark Side hlaut Óskarsverðlaunin sem besta heimildarmynd ársins 2007. Hún segir frá örlögum leigubílsstjóra í Afganistan sem tekinn var höndum grunaður um tengsl við hryðjuverkamenn og barinn til bana af bandarískum hermönnum árið 2002. Myndin varpar ljósi á notkun pyntinga í stríðinu í Afganistan og hefur vakið mikla og verðskuldaða athygli.

Hún verður sýnd í Friðarhúsi fimmtudagskvöldið 4. apríl kl. 20. Allir velkomnir.

Fjáröflunarmálsverðir Friðarhúss fara ekki í frí yfir hátíðarnar. Næsti málsverður verður haldinn að kvöldi föstudagsins langa.

Alvin Níelsson, Lára Jóna Þorsteinsdóttir og Þorvaldur Þorvaldsson galdra fram víðfræga og matarmikla fiski- og sjávarréttasúpu.

Borðhald hefst kl. 19:00. Verð kr. 1.500, allir velkomnir.

Tíu ár eru um þessar mundir frá innrásinni í Írak. Innrásin og vargöldin sem braust út í landinu í kjölfarið olli miklum hörmungum. Varfærnustu áætlanir segja fjölda fórnarlamba rúmlega 100 þúsund. Aðrir telja töluna margfalt hærri. Gríðarlegur fjöldi fólks er enn á vergangi vegna stríðsins og enn sér ekki fyrir endann á afleiðingum þess, til að mynda varð óöldin í Írak til að ýta undir borgarastyrjöldina í Sýrlandi.

Til Íraksstríðsins var stofnað með upplognum tylliástæðum, eins og margoft hefur verið rakið síðan. Þrátt fyrir margvíslegar falsanir og blekkingar, tókst Bandaríkjamönnum og Bretum ekki að sannfæra Sameinuðu þjóðirnar um réttmæti innrásar. Þar sem ráðamenn í Washington og Lundúnum töldu sig þurfa að ljá aðgerðum sínum blæ alþjóðlegrar viðurkenningar, gripu þeir til óvenjulegs ráðs: safnað var á meðmælendalista „staðfastra þjóða“.

Forystumenn ríkisstjórnar Íslands á þeim tíma ákváðu að leggja þessari meðmælendasöfnun lið sitt og bættu Íslandi á listann. Ekki er ljóst hvort þeir hafi í raun gert sér skýra grein fyrir því hvað í skuldbindingunni fælist eða hvernig listinn yrði notaður. Markmiðið var þó öllu augljósara: formenn Sjálfstæðisflokks og Framsóknarflokks gerðu sér vonir um að liðveislan yrði launuð með lengri hersetu á Miðnesheiði. Líklegt má telja að stuðningurinn við Íraksstríðið hafi framlengt líf herstöðvarinnar um rúmlega ár.

Stuðningsyfirlýsingin fyrir áratug er einhver ömurlegasti bletturinn á utanríkismálasögu Íslendinga síðustu áratugina. Með því lögðum við okkar af mörkum til að greiða fyrir blóðugri styrjöld og grófum í leiðinni undan mikilvægum alþjóðastofnunum. Það er umhugsunarvert að enn í dag heimili stjórnskipan okkar að utanríkisráðherra geti upp á sitt einsdæmi gert Ísland að stuðningsaðila styrjalda í fjarlægum löndum.

Stefán Pálsson, formaður Samtaka hernaðarandstæðinga

(Greinin birtist einnig í Fréttablaðinu.)

Aðalfundur Friðarhúss SHA ehf, eignarhaldsfélags Friðarhússins á Njálsgötu 87, verður haldið sunnudaginn 17. mars kl. 14 í húsnæði samtakanna.

Dagskrá: Hefðbundin aðalfundarstörf.

Hluthafar sem ekki komast á fundinn eru hvattir til að veita e-m öðrum umboð fyrir hlut sínum, t.d. með því að senda tölvupóst þar um á sha@fridur.is

Alþjóðlegur baráttudagur kvenna verður haldinn hátíðlegur þann 8. mars. Samtök hernaðarandstæðinga eru samkvæmt venju meðal þátttakenda í sérstakri baráttudagskrá sem MFÍK hefur forgöngu um:

Alþjóðlegur baráttudagur kvenna fyrir friði og jafnrétti - 
Nýjar leiðir á traustum grunni 

Fundarstjóri: Lilja Nótt Þórarinsdóttir 

Ávörp:
* Hildur Lilliendahl: Femínismi, aktívismi og internetið
* Elsa B. Friðfinnsdóttir: „Tvær vikur að vinna fyrir gúmmístígvélum“
* Nurashima A Rashid: Réttur kvenna til heilbrigðis, ekki auðveld barátta
* Kristín Á. Guðmundsdóttir: Upprætum launamisrétti – opnum augun fyrir nýjum gildum í heilbrigðisþjónustunni
* Heiða Eiríksdóttir syngur
* Maríanna Traustadóttir: Jafnlaunastaðall – nýtt verkfæri
* Steinunn Rögnvaldsdóttir: Stríðið gegn konum
* Birna Þórðardóttir: Ein- með öðrum

Dagskráin verður haldin í Iðnó og stendur frá 17 til 18:30.

Fjáröflunarmálsverður Friðarhúss verður að þessu sinni haldinn föstudagskvöldið 1. mars að Njálsgötu 87. Kokkurinn að þessu sinni er Björk Vilhelmsdóttir og er matseðillinn gæsilegur:

* Boðið verður upp á indverskan karrýkjúkling og karrý-grænmetisrétt, en réttirnir verða bornir fram með hrísgrjónum og salati með dressingu sem er unnin úr ólífuolíu frá Gaza.

* Í eftirrétt verður Aðalbláberjaterta Bjarkar.

Sigurður Karlsson þýðandi les úr bókinni Ariasman eftir Tapio Koivukari og gerir grein fyrir tilurð og vinnslu verksins. Ariasman er skáldsaga sem fengið hefur mikið lof og fjallar um Baskavígin á Vestfjörðum.

Borðhald hefst að venju á slaginu 19, en húsið verður opnað hálftíma fyrr. Verð kr. 1.500.

Fjáröflunarmálsverður Friðarhúss verður haldinn föstudagskvöldið 25. janúar. Matseld verður að þessu sinni í höndum stjórnarkvenna í MFÍK.

Matseðill:

*Kjúklingapottréttur

* Grænmetispottréttur – penne og nýrnabaunapottur

* Hrásalat

* Brauð

* Kaffi og eitthvað sætt

Borðhald hefst kl. 19. Verð kr. 1.500.

Rithöfundarnir Einar Már Guðmundsson og Hildur Lilliendahl Viggósdóttir lesa úr verkum sínum.