Stefán Pálsson

Árið 2013 reyndist eitt það blóðugasta í Írak frá innrásinni í landið fyrir áratug síðan. Meira en tíu þúsund manns féllu í átöku stríðandi fylkinga, en landið logar í deilum milli þjóðarbrota og trúarhópa. Um 1.200 manns féllu í desembermánuði einum í því sem ýmsir óttast að sé einungis byrjunin á nýrri borgarastyrjöld sem muni leiða ómældar hörmungar yfir þessa stríðshrjáðu þjóð á árinu 2014.

Tómlæti vestrænna fjölmiðla og stjórnmálamanna um atburði þessa er sláandi. Flestum má þó vera ljós ábyrgð þeirra sem hófu þessa vegferð árið 2003. Innrásin í Írak er versta ákvörðun sem tekin hefur verið á síðustu áratugum og heimurinn mun súpa seyðið af henni um langt árabil. Verstar eru þó hörmungar Íraka sjálfra. Read More

Íslenskir friðarsinnar hafa efnt til friðargöngu niður Laugaveginn á Þorláksmessu undanfarin þrjátíu og fimm ár. Óhætt er að segja að gangan sé orðin ómissandi þáttur í jólaundirbúningnum og tekur fjöldi fólks sér hlé frá tiltektum og innkaupum rétt fyrir jólin til að leggja sitt af mörkum og styðja kröfuna um frið og afvopnun í heiminum. Undanfarin ár hafa slíkar göngur einnig verið á Þorláksmessu á Akureyri og á Ísafirði og verður svo einnig nú. Read More

Föstudagskvöldið 29. nóvember verður fjáröflunarmálsverður Friðarhúss haldinn, glæsilegur að vanda.

Guðrún Bóasdóttir (Systa) sér um matseldina með dyggri aðstoð Sigríðar Kristinsdóttur

Matseðill:

• Heimalöguð sænsk jólaskinka með kartöflusalati, og sinnepssósu
• Heimagerð lifrakæfa og heimagert rúgbrauð 
• Reykt nautatunga með piparrótarrjóma
• Hnetusteik
• Karrýsíld
• Tómatsalsasíld
• Rækjufrauð
• Kaffi og smákökur

Að borðhaldi loknu ræðir Guðrún Margrét Guðmundsdóttir um dróna og duldar hliðir stríðsins gegn hryðjuverkum. Svavar Knútur tekur lagið.

Sest verður að snæðingi kl. 19. Verð kr. 2.000. Allir velkomnir.

Landsfundur SHA var haldinn um liðna helgi. Lögum félagsins var breytt á fundinum og verða landsfundir eftirleiðis haldnir eigi síðar en 15. mars ár hvert og er því skammt í næsta fund. Fyrri miðnefnd var endurkjörin að mestu, en á næsta fundi verður stokkað upp í henni og fjölda miðnefndarmanna breytt.

Fundurinn samþykkti jafnframt eftirfarandi áskorun, sem þegar hefur verið send á alla Alþingismenn:

Landsfundur Samtaka hernaðarandstæðinga haldinn í Friðarhúsi 23. nóvember 2013 skorar á Alþingi að fella niður greiðslur á fjárlögum til NATO, sem munu vera u.þ.b. hálfur milljarður á ársgrundvelli (500 milljónir).

Rök til þess eru:

1. Það er siðferðilega óverjandi að Alþingi ráðstafi skattfé íslensku þjóðarinnar til fjármögnunar á pyntingasveitum og morðum á saklausu fólki úti í heimi eins og nýlega hefur verið staðfest, sbr. fréttir undanfarnar vikur.
2. Við Íslendingar þurfum fremur að nota þetta fé til nánast allra annarra hluta, t.d. mætti verja þessum fjármunum til þróunarhjálpar til landa sem liðið hafa fyrir hernað NATO-þjóða.

Dagfari, tímarit Samtaka hernaðarandstæðinga er komið út og hefur verið sent félagsmönnum í SHA. Meðal efnis er úttekt á kostnaðinum við aðild Íslands að Atlantshafsbandalaginu. Umfjöllunin hefur þegar vakið athygli fjölmiðla, líkt og sjá má af þessari umfjöllum RÚV.

Hægt er að nálgast blaðið í Friðarhúsi Samtaka hernaðarandstæðinga eða með því að senda tölvupóst á sha@fridur.is og verður blaðið þá sent um hæl.

Landsfundur Samtaka hernaðarandstæðinga verður haldinn laugardaginn 23. nóvember n.k. í Friðarhúsi. Fundurinn hefst kl. 11 á hefðbundnum aðalfundarstörfum.

Fyrir fundinum liggur tillaga til lagabreytingar þess efnis að landsfundur verði eftirleiðis haldinn á vormisseri, eigi síðar en í lok mars og að reikningsár SHA verði eftirleiðis almanaksárið. Verði tillagan samþykkt er ljóst að nýr aðalfundur verður haldinn strax í febrúar eða mars á næsta ári.

Léttur málsverður verður framreiddur í hádeginu, en kl. 13:30 flytur Helga Björnsdóttir mannfræðingur erindið: „Hernaðarlúkk“: um hernaðarhyggju og hervæðingu. Umræður á eftir.

Sameiginlegur félagsfundur MFÍK og Samtaka hernaðarandstæðinga verður haldinn í Friðarhúsi, Njálsgötu 87, miðvikudagskvöldið 13. nóvember kl. 20.

Þóra Kristín Ásgeirsdóttir fréttamaður og fyrrum ritstjóri Smugunnar talar um njósnir og uppljóstranir: Uppljóstranir Edward Snowden og Chelsea Manning ? Hverju breyta þær? Hversu mikilvægir eru uppljóstrarar lýðræðinu og hvernig er komið fram við þá?

Á undan mun MFÍK bjóða upp á málsverð sem hefst kl. 19. Matseðill: Pottréttur Auðar og grænmetispottréttur Leu, brauð og salat, kaffi og súkkulaðimolar. – Verð kr. 1.500

Allir velkomnir.

Fjáröflunarmálsverður Friðarhúss í október verður haldinn föstudagskvöldið 25. október. Matseldin verður að þessu sinni í hópi nokkurra yngri félagsmanna.

Matseðill:

• Lasagne
• Grænmetislasagne
• Ferskt salat & hvítlauksbrauð
• Eftirréttur: Eplahraun að hætti hraunavina

Að borðhaldi loknu mun Jón Ögmundur Þormóðsson lögfræðingur kynna stórmerkilega bók sína sem hefur að geyma yfirgripsmikið safn tilvitnana um friðarmál. Peace and War: Niagara of Quotations (Friður og stríð: Hafsjór af tilvitnunum).

Borðhald hefst kl. 19. Allir velkomnir. Athugið nýtt verð: 2.000 kr.

Það er komið að fyrsta fjáröflunarmálsverði haustsins, föstudagskvöldið 27. september. Guðrún Bóasdóttir (Systa) eldar.

Matseðill:

• Lambakjöt í hnetusósu borið fram með hrísgrjónum og austurlensku hvítkálssalati
• Blómkál bakað í ofni með osti og makkarónum
• Úrval af haustgrænmeti

Dagskráin verður kynnt síðar. Borðhald hefst kl. 19. Athugið nýtt verð: 2.000 kr.

Allir velkomnir.

Ungliðar í Vinstri grænum boða til mótmæla við Norræna húsið fimmtudaginn 19. september kl. 9:30, en þar mun formaður hermálanefndar Nató halda erindi. Í tilkynningu frá UVG segir:

Ung vinstri græn efla til friðsamlegra mótmæla við Norræna húsið í klukkan hálftíu í fyrramálið vegna fyrirlestrar Knud Bartels hershöfðingja og formanns hermálanefndar NATÓ um stöðu bandalagsins í fyrramálið.

Utanríkisráðherra hefur nýverið boðað að ný ríkisstjórn muni auka þátttöku Íslands í hernaðarbandalaginu. Með mótmælunum vilja Uvg vekja athygli á raunverulegri starfsemi NATÓ, sem hefur staðið fyrir óforskammaðri hernaðarhyggju og stríðsbrölti gegn þjóðu heims í nafni lýðræðis og mannúðar. Þá ítreka Uvg þá skýlausu kröfu frá nýafstöðnum landsfundi að “að Íslendingar segi sig tafarlaust úr NATÓ, hætti að eyða fjármunum ríkissjóðs í stríðsrekstur og taki ekki lengur þátt í “mannúðarverkefnum” sem fela í sér morð og eyðileggingu samfélaga.”

Ást og bylting,

Sjálfsagt er að hvetja hernaðarandtæðinga til að mæta. Fésbókarsíðu atburðarins má sjá hér.