Ritsjórn Friðarvefsins óskar lesendum gleðilegs og friðsæls nýs árs. Frá því að Friðarvefurinn var endurskoðaður og útliti hans breytt nú í haust hefur staðið til að setja inn á hann fleiri upplýsingar sem gætu verið gagnlegar og áhugaverðar fyrir notendur hans. Ritstjórn vefsins vill benda á nýjan efnisflokk sem hefur verið settur á vefinn og sjá má hér til hliðar, „Kjarnorkuvopn og kjarnorkuafvopnun“. Þar hafa verið settar inn tilvísanir í ýmsar upplýsingar um þetta efni og ennfremur nokkuð ýtarleg grein um NPT-samninginn um takmörkun á útbreiðslu kjarnorkuvopna og fleiri greinar sem tengjast endurskoðunarráðstefnu NPT-samningsins í maí 2005. Meira efni er væntanlegt.
Ritstjóri