Samtök hernaðarandstæðinga sýna heimildamyndina Earth‘s Greatest Enemy í Friðarhúsi miðvikudaginn 20. maí kl. 19:45. Aðgangur er ókeypis og eru öll velkomin.
Heimildarmyndin er eftir bandaríska róttæklinginn Abby Martin og sameinar rannsóknarblaðamennsku, áhrifamikið myndefni og sögur frá samfélögum sem hafa þurft að líða fyrir hernaðarumsvif bandaríkjahers. Myndin hvetur áhorfendur til að íhuga þann kostnað og þær afleiðingar sem þau hafa í för með sér fyrir jörðina okkar.
Í myndinni er varpað ljósi á hvernig herinn leggur aðeins hernaðarlegt mat á aðgerðir en tekur ekki tillit til áhrifa þeirra á umhverfi og samfélög. Árásir hersins á olíubirgðastöðvar geta til dæmis valdið gífurlegri mengun og varanlegu tjóni á umhverfi og náttúru. Bandaríska varnarmálaráðuneytið er stærsti mengunarvaldur heims – það losar umtalsvert kolefni, mengar vatn og eyðileggur vistkerfi um allan heim. Allt hernaðarbrölt er undanþegið alþjóðlegum loftslagssamningum en að auki hefur bandaríkjastjórn sagt sig frá þeim samningum.
Myndin er 120 mínútur að lengd og er framleidd af Empire Files í Bandaríkjunum. Abby og kollegar hennar stunda fréttamennsku í þágu almennings.
Hér má sjá sýnishorn úr myndinni.
Hér má sjá sýnishorn úr myndinni.