málsverður Archives - Friður.is

Vormálsverður SHA: Pálínuboð miðnefndar

Guttormur Þorsteinsson — Mon, 04 May 2026 13:45:39 +0000

Hefðbundinn fjáröflunarmálsverður SHA í Friðarhúsi féll niður í apríl vegna almennra frídaga. Í staðinn blásum við til vormálsverðar föstudaginn 8. maí. Að þessu sinni verður boðið upp á hlaðborð rétta sem meðlimir í miðnefnd töfra fram – kjúklingasalat, lundir, grænmetisréttir og kökur.

Að borðhaldi loknu les Áslaug Agnarsdóttir úr verðlaunaþýðingu sinni á Ívan Túrgenev: Minnisblöð veiðimanns. Tónlistarmaðurinn Teitur Magnússon tekur lagið.

Sest verður að snæðingi kl. 19:00. Verð kr. 3.000. Öll velkomin.

The post Vormálsverður SHA: Pálínuboð miðnefndar appeared first on Friður.is.

Marsmálsverður í Friðarhúsi – Setning landsfundar

Guttormur Þorsteinsson — Mon, 23 Mar 2026 17:53:21 +0000

Fjáröflunarmálsverður SHA í Friðarhúsi fer að venju fram síðasta föstudagskvöl mánaðarins en er að þessu sinni jafnframt setningarsamkoma landsfundar SHA sem fram fer daginn eftir.

Friðrik og Gísli Atlasynir eru kokkarnir að þessu sinni og galdra fram íranskar kræsingar:

Khoresh-e Azadi, persneskur frelsispottur, kjötréttur
Khoresh Azadi, bragð mótstöðunnar, veganréttur
Hrísgrjón, salat og annað meðlæti
Kaffi og konfekt

Að borðhaldi tekur við menningardagskrá. Tónlistartvíeykið The Veiled Mother tekur lagið. Ljóðskáldið Arndís Þórarinsdóttir les úr nýútkominni ljóðabók.

Borðhald hefst.kl. 19. Verð kr. 3000.

Öll velkomin.

The post Marsmálsverður í Friðarhúsi – Setning landsfundar appeared first on Friður.is.

Febrúarmálsverður í Friðarhúsi

Guttormur Þorsteinsson — Tue, 24 Feb 2026 10:40:37 +0000

Nú er komið að febrúarmálsverði SHA, föstudaginn 27. febrúar kl. 19:00 í Friðarhúsi, Njálsgötu 87. Þorvaldur Þorvaldsson úr miðnefnd SHA töfrar fram sitt fræga lasagne.

Matseðill:

Lasagne með kjöti
Lasagne fyrir grænkera
Meðlæti
Kaffi og konfekt

Að borðhaldi loknu mun Einar Ólafsson lesa þýðingu Dags Sigurðarsonar á ljóðinu Amríka eftir Alan Ginsberg, sem á ótrúlega vel við samtíma okkar. Því næst mun Bjarki Karlsson segja frá Láka-rímum, einni áhugaverðustu bók síðasta jólabókaflóðs. Loks mun trúbadorinn Skúli mennski taka nokkur lög.

Sest verður að snæðingi kl. 19. Verð kr. 3000. Öll velkomin

The post Febrúarmálsverður í Friðarhúsi appeared first on Friður.is.

Janúarmálsverður í Friðarhúsi

Guttormur Þorsteinsson — Wed, 28 Jan 2026 11:18:39 +0000

Það er komið að fyrsta málsverði ársins og ofurkokkurinn Dóra Svavars snýr aftur, en maturinn hennar hefur ætíð vakið mikla lukku meðal hernaðarandstæðinga.

Matseðill:

Smalabaka – kindahakksbaka með kartöflumús.
Vegan-útgáfa með.linsubaunum.
Bústin grænmetissalöt
Brauð
Kaffi og konfekt

Að borðhaldi loknu mun tónlistartvíeykið Daníel E. Arnarson og Halli Sveinbjörns flytja friðsamt og andheimsvaldasinnað prógram, Steinunn Þóra Árnadóttir flytur stutta tölu um málefni Grænlands og Kristín Svava Tómasdóttir segir frá Fröken Dúllu, bestu sagnfræðibók síðasta jólabókaflóðs.

Sest verður að snæðingi kl. 19. Verð kr. 3000. Öll velkomin.

The post Janúarmálsverður í Friðarhúsi appeared first on Friður.is.

Fullveldisfögnuður SHA í Friðarhúsi

Guttormur Þorsteinsson — Mon, 24 Nov 2025 17:22:45 +0000

Jólahlaðborð SHA ber að þessu sinni upp á föstudaginn 28. nóvember.
Að venju verður stillt fram veglegu hlaðborði. Meðal rétta:

Heimaverkuð sænsk jólaskinka með kartöflusalti, og sinnepssósu
Rækjufrauð
Kjúklingalifrarpaté
Reykt nautatunga með piparrótarrjóma
Austfirsk sælkerasíld
Hnetusteik fyrir grænkera
Hummus
Baba ganoush
Kaffi og konfekt

Sest verður að snæðingi kl. 19.

Að borðhaldi loknu verður menningardagskrá. Aðgerðasinninn og söngvaskáldið Hörður Torfason tekur lagið og gerir grein fyrir nýútkominni bók sinni og Anna Ragna Fossberg Jóhönnudóttir les úr nýrri skáldsögu sinni.

Verð kr. 3.000. Öll velkomin.

The post Fullveldisfögnuður SHA í Friðarhúsi appeared first on Friður.is.

Októbermálsverður í Friðarhúsi

Guttormur Þorsteinsson — Wed, 29 Oct 2025 10:30:27 +0000

Lagfæringum í Friðarhúsi eftir lekann fyrr í haust má heita lokið og nú er blásið til fyrsta fjáröflunarmálsverðar haustsins á hrekkjavökunni sjálfri, föstudaginn 31. október. Jón Yngvi Jóhannsson sér um eldamennskuna en Eskihlíðargengið útbýr grænkeraréttinn.

Matseðill:
* Saag ghost – spínatkarrí með lambi og tilheyrandi meðlæti í pakistönskum anda.
* Dahl með spínati
* Kaffi og konfekt

Að borðhaldi loknu mun Júlía Margrét Einarsdóttir lesa úr nýlegri skáldsögu sinni. Gunna Lára tekur lagið. Verð kr. 2.500. Sest verður að snæðingi kl. 19. Öll velkomin.

The post Októbermálsverður í Friðarhúsi appeared first on Friður.is.

Aprílmálsverður í Friðarhúsi

Guttormur Þorsteinsson — Wed, 23 Apr 2025 15:19:43 +0000

Þrátt fyrir páska og tíða frídaga er enginn bilbugur á hernaðarandstæðingum sem halda sinn mánaðarlega fjáröflunarmálsverð í Friðarhúsi föstudagskvöldið 25. apríl. Sigrún Guðmundsdóttir og Ævar Örn Jósepsson elda oní mannskapinn.

* Hakkabuff
* Grænmetisbuff
* Allt tilheyrandi meðlæti
* Kaffi og eftirréttur kynntur síðar

Að borðhaldi loknu mun Eyrún Ósk Jónsdóttir lesa friðarljóð, Egill Arnarson segja frá nýrri þýðingu sinni á verkinu Fyrir eilífum friði eftir Kant og tónlistarmaðurinn Sveinn Guðmundsson tekur lagið.

Sest verður að snæðingi kl. 19. Verð kr. 2.500. Öll velkomin.

The post Aprílmálsverður í Friðarhúsi appeared first on Friður.is.

Marsmálsverður SHA

Guttormur Þorsteinsson — Tue, 25 Mar 2025 00:42:42 +0000

Nú er komið að marsmálsverði SHA, föstudaginn 28. mars í Friðarhúsi, Njálsgötu 87, kvöldið fyrir landsfund. Þorvaldur Þorvaldsson og Lowana Veal úr miðnefnd SHA sjá um matseld.

Matseðill:
* Lasagne með kjöti
* Eþíópiskur linsubaunaréttur með sætum kartöflum
* Pakora buff
* Hrísgrjón
* Salat
* Bláberja flapjack og hjónabandssæla með kaffinu

Að borðhaldi loknu mun Eva Rún Snorradóttir lesa úr nýlegri skáldsögu sinni „Eldri konur“ og tónlistarmaðurinn Markús tekur nokkur lög.

Sest verður að snæðingi kl. 19. Verð kr. 2500. Öll velkomin

The post Marsmálsverður SHA appeared first on Friður.is.

Málsverður febrúar

Guttormur Þorsteinsson — Tue, 25 Feb 2025 11:26:57 +0000

Nú er komið að febrúarmálsverð SHA, föstudaginn 28. febrúar í Friðarhúsi, Njálsgötu 87, og að venju er maturinn ljúffengur og dagskráin ríkuleg. Sæþór Benjamín Randalsson sér um aðal- og eftirrétt en Þórhildur Heimisdóttir um grænkerana.

Aðalréttur

Sterkt og bragðmikið íslenskt kalkúna chili con carne, eldað í vel krydduðum tómatgrunni. Stökkar maísflögur, bræddur ostur og frískandi sýrður rjómi til hliðar.
Ljúffengt grænkera chili sin carne.

Til hliðar

Fullkomlega kryddaðar reyktar svartar baunir.
Hressandi rauðrófusalat.

Eftirréttur

Munúðarfull og djúsí súkkulaðibrúnterta, kaffi og konfekt.

Að borðhaldi loknu mun Þorvaldur Örn Árnason taka lagið og gera grein fyrir ferli Arnar Bjarnasonar, sem var áberandi í tónlistarlífi friðarsinna hér áður fyrr.

Húsið opnar kl. 18:30, matur er borinn fram 19:00 og kostar 2.500 kr.

Öll velkomin

The post Málsverður febrúar appeared first on Friður.is.

Málsverður janúarmánaðar

Guttormur Þorsteinsson — Wed, 29 Jan 2025 13:11:19 +0000

Boðið verður til fyrsta málsverðar ársins í Friðarhúsi föstudaginn 31. janúar kl. 19:00 í samstarfi við MFÍK.

Kokkar janúarmánaðar eru stjórnarkonur í MFÍK með aðstoð palestínskra vinkvenna. Matseðillinn er í takt við vopnahléð á Gaza:

Maklouba með kjúkling
Vegan Maklouba
Eftirréttir frá Mið-Austurlöndum

Að borðhaldi loknu mun Þorvaldur Örn Árnason taka lagið og gera grein fyrir ferli Arnar Bjarnasonar, sem var áberandi í tónlistarlífi friðarsinna hér áður fyrr.

Sest verður að snæðingi kl. 19. Verð kr. 2500. Öll velkomin!

The post Málsverður janúarmánaðar appeared first on Friður.is.