Safnast er saman á göngusvæðinu á Laugavegi, á milli Hlemms og Snorrabrautar
Friðarganga á Þorláksmessu hefur verið fastur liður á þessari hátíð ljóss og friðar í Reykjavík frá árinu 1980. Safnast er saman á göngusvæðinu á Laugavegi, á milli Hlemms og Snorrabrautar. Gangan leggur svo af stað niður Laugaveginn á slaginu kl. 18 með ljós í hönd til að leggja áherslu á kröfuna um frið í heiminum.
Í göngulok er fundur á Austurvelli þar sem Kolbrún Halldórsdóttir leikstjóri og formaður BHM flytur ávarp. Fundarstjóri er Askur Hrafn Hannesson nemi. Söngfjelagið leiðir gönguna með söng í fyrsta sinn og syngur í lok göngu.
Umsjón er að venju í höndum samstarfshóps friðarhreyfinga.
Fjölnota rafkerti verða seld á 1000 kr. stykkið og er göngufólk hvatt til að taka þau með sér heim eða skila aftur að göngu lokinni. Við bendum á að einnig er hægt að kaupa kerti hér að neðan.
Á Akureyri og Ísafirði verða einnig friðargöngur á sama tíma.
Kaupa kerti
Fylltu út formið hér að neðan til að kaupa kerti og þar með styrkja friðargönguna. Við sendum kröfur í heimabanka þinn í janúar 2026. Hvert kerti kostar 1.000 kr.
Samstarfshópur friðarhreyfinga
- Félag leikskólakennara
- Friðar- og mannréttindahópur BSRB
- Menningar og friðarsamtökin MFÍK
- Samhljómur menningarheima
- Samtök hernaðarandstæðinga
- SGI á Íslandi (Friðarhreyfing búddista)