Cras sed lobortis libero. Pellentesque arcu lacus, dignissim ut porta in, interdum vel risus. Curabitur non est purus. Ut adipiscing purus augue, quis elementum dolor convallis id. Duis vitae sodales massa, et pharetra massa. Phasellus consectetur neque non ante ultricies rhoncus. Read More
Vivamus risus mi, lobortis ut congue vitae, vestibulum vitae augue. Maecenas nunc odio, pulvinar id vulputate nec, porttitor at quam. Suspendisse vulputate diam eu leo bibendum feugiat. Lorem ipsum dolor sit amet, consectetur adipiscing elit. Sed non ligula augue. Praesent imperdiet magna at risus lobortis ac accumsan lorem ornare Cras sed lobortis libero. Pellentesque arcu lacus, dignissim ut porta in, interdum vel risus. Curabitur non est purus. Ut adipiscing purus augue, quis elementum dolor convallis id.
Eftirfarandi ályktun var samþykkt á landsfundi SHA sl. sunnudag:
Tólf ár eru liðin frá innrás Bandaríkjanna og bandalagsþjóða þeirra inn í Afganistan. Stríðið, sem nú er að mestu í höndum Nató, hefur í vaxandi mæli breiðst til nágrannalandsins Pakistan og bendir ekkert til að því ljúki í bráð. Eitt af megineinkennum hernaðarins er notkun fjarstýrðra morðvéla, sem drepið hafa fjölda almennra borgara.
Samtök hernaðarandstæðinga gagnrýna þá þögn sem ríkir um stríðið í Afganistan og Pakistan. Ábyrgð Íslendinga sem Nató-þjóðar á hernaðinum er skýr, en virðist þó ekki megna að vekja umræður í fjölmiðlum eða meðal stjórnmálamanna. Í hverri viku berast fregnir af drápum Nató-herja á saklausu fólki, án þess að það hreyfi við samvisku okkar.
Hernaðarbandalagið Nató hefur á liðnum árum gerst sífellt árásargjarnara, eins og nýlegt stríð í Líbýu leiddi glögglega í ljós. Sú staðreynd ætti að vera gömlum stuðningsmönnum Nató-aðildarinnar tilefni til alvarlegrar umhugsunar. Samtök hernaðarandstæðinga minna á kröfu sína um úrsögn Íslands úr Nató.
Eftirfarandi ályktun var samþykkt á landsfundi SHA sl. sunnudag:
Landsfundur Samtaka hernaðarandstæðinga, haldinn sunnudaginn 2. desember 2012, fagnar þeim áherslum sem fram hafa komið hjá stjórnvöldum í Reykjavík, sem beinast að því að úthýsa herskipum og herflugvélum úr borgarlandinu. Sú stefna borgarstjórnar að Reykjavík skuli ekki vera vettvangur heræfinga er gleðileg og í samræmi við afstöðu meirihluta borgarbúa.
Á sama tíma er illt til þess að vita að ekkert lát sé á herflugsæfingum þeim sem nefndar eru loftrýmisgæsla. Nú síðast hefur utanríkisráðherra haft forgöngu um að fá sænska og finnska flugherinn til þátttöku í slíkum æfingum. Samtök hernaðarandstæðinga krefjast þess að hætt verði að lána landið til æfinga orrustuflugmanna, sem þess utan eru niðurgreiddar af íslenskum skattgreiðendum.
Eftirfarandi ályktun var samþykkt á landsfundi SHA sl. sunnudag:
Á dögunum fjölgaði enn í hópi þeirra íslensku sveitarfélaga sem friðlýst eru fyrir geymslu og umferð kjarnorku-, sýkla- og efnavopna. Nú eru einungis þrjú sveitarfélög eftir, sem ekki hafa gert slíkar samþykktir; Grímsnes- og Grafningshreppur, Reykjanesbær og Skútustaðahreppur. Þessar undirtektir eru í samræmi við skýran meirihlutavilja þjóðarinnar, sem ekki vill sjá slík vopn í landinu.
Landsfundur Samtaka hernaðarandstæðinga minnir á að í stjórnarsáttmála núverandi ríkisstjórnar frá árinu 2009 var gert ráð fyrir því að Ísland og íslensk landhelgi yrði lýst kjarnorkuvopnalaust svæði. Fundurinn skorar á Alþingi að standa við stóru orðin og friðlýsa landið fyrir lok kjörtímabilsins.