Monthly Archives

March 2015

Marsmálsverður Friðarhúss

By Uncategorized

Félagar í MFÍK munu sjá um matseldina í næsta fjáröflunarmálsverði Friðarhúss föstudaginn 27. mars n.k. að alkunnri snilld. Matseðillinn verður sem hér segir:

* Chili con carne

* Chili sin carne, fyrir grænmetisætur

* Salat og brauð

* Kaffi og eftirréttur að hætti Sigrúnar Gunnlaugsdóttur

Að borðhaldi loknu mun Kristín Ómarsdóttir lesa úr glænýrri skáldsögu sinni, Flækingnum. Sagan segir frá utangarðsfólki í Reykjavík og hefur fengið frábæra dóma.

Sest verður að snæðingi kl. 19. Verð kr. 2.000. Allir velkomnir.

Landsfundur SHA í kvöld, miðvikudag

By Uncategorized

Sem kunnugt er, þurfti að fresta landsfundi Samtaka hernaðarandstæðinga um liðna helgi. Hann verður því haldinn í kvöld, miðvikudagskvöld og hefst kl. 20 í Friðarhúsi. Á dagskrá eru hefðbundin aðalfundarstörf einvörðungu, en erindi þau sem ætlunin var að halda á laugardag bíða betri tíma.

Landsfundur SHA: Ný dagsetning

By Uncategorized

Fresta þurfti landsfundi SHA vegna óveðursins á laugardag. Nýr fundartími hefur nú verið ákveðinn: miðvikudagskvöldið 18. mars í Friðarhúsi.

Fundurinn hefst kl. 20 og verða hefðbundin aðalfundarstörf á dagskrá.

FRESTAÐ VEGNA VEÐURS

By Uncategorized

Í ljósi þess að strætisvagnar ganga ekki í fárviðrinu og fólk er varað við að vera á ferli er landsfundi SHA frestað. Ný tímasetning kynnt síðar.