Monthly Archives

May 2012

Fjáröflunarmálsverður maímánaðar

By Uncategorized

Síðasti fjáröflunarmálsverður Friðarhúss fyrir sumarfrí verður haldinn föstudagskvöldið 25. maí. Guðrún Bóasdóttir (Systa) eldar.

Matseðill:

* Nautakjöt í hnetusósu borið fram með hrísgrjónum og tælensku rauðkálssalati

* Saltfisksalat

* Rabarbaraþeytingur (rabarbari bakaður í ofni með vanillu og borinn fram með rjóma)

Vilborg Dagbjartsdóttir sér um menningardagskrá.

Borðhald hefst kl. 19. Verð kr 1500. Allir velkomnir.

Afmælisdagskráin 16. maí

By Uncategorized

Dagskrá afmælishátíðar SHA í Iðnó miðvikudagskvöldið 16. maí er óðum að taka á sig mynd.

Samkoman hefst stundvíslega kl. 20, en húsið verður opnað hálftíma fyrr. Ókeypis aðgangur meðan húsrúm leyfir.

 

Árni Björnsson segir frá aðdragandanum að stofnun SHA 1972

Fjöldi tónlistaratriða:

  • Heiða Eiríksdóttir
  • Svavar Knútur
  • Jara
  • Þorvaldur Þorvaldsson
  • Einar Már & Blágresi
  • Bjartmar Guðlaugsson
  • Þokkabót

Allir velkomnir.

40 ár fyrir friði

By Uncategorized

Samtök hernaðarandstæðinga rekja sögu sína aftur til Glæsibæjarfundarins sem haldinn var 16. maí árið 1972. Samtökin fagna því 40 ára afmæli og munu að því tilefni standa fyrir samkomu í Iðnó að kvöldi miðvikudagsins 16. maí (kvöldið fyrir uppstigningardag).

Fjöldi tónlistarmanna og annars listafólks mun koma fram á dagskránni, þar sem lög sem tengjast sögu friðarbaráttunnar verða í aðalhlutverki. Meðal flytjenda má nefna: Bjartmar Guðlaugsson, félaga úr Þokkabót, Heiðu trúbador og Einar Má & Blágresi. Árni Björnsson mun rifja upp aðdragandan að stofnun SHA.

Dagskráin hefst stundvíslega kl. 20, en húsið verður opnað 19:30. Allir velkomnir meðan húsrúm leyfir. Aðgangur ókeypis, en söfnunarföturnar verða vitaskuld á sínum stað.

Félagsfundur MFÍK: fréttir af Brasilíuförum

By Uncategorized

Opinn félagsfundur MFÍK verður miðvikudaginn 9. Maí kl. 19 í Friðarhúsi. Þær Harpa Stefánsdóttir, formaður, og Sigurlaug Gunnlaugsdóttir, varaformaður MFÍK, segja frá heimsþingi WIDF (Alþjóðasamtök lýðræðissinnaðra kvenna) sem haldið var í Brasilíu í apríl.

Léttur kvöldverður seldur á 1500 kr. í upphafi fundar. Húsið opnar kl. 18.30.

Takið endilega með ykkur gesti. Allir velkomnir.